Өзбекстанда қоғамдық орындарда бетті жауып тұратын орамал тағатындарға айыппұл салынады, — деп хабарлайды Caspiantoday.kz сайты Tengrinews.kz-ке сілтеме жасап.
Заңнамадағы тиісті түзетулерге Өзбекстан президенті Шавкат Мирзиеев қол қойды. Түзетулерге сәйкес, медициналық диагноз бойынша бетті тұмшалауға, сондай-ақ, жұмысқа және қызметке байланысты киімдерде ғана ерекшелік болуы мүмкін.
«Қоғамдық орындарда тұлғаны анықтауға мүмкіндік бермейтін дәрежеде бетін жауып жүру 3,3 миллионнан 4,95 миллион сумға дейін (126-дан 189 мың теңгеге дейін) айыппұл салуға әкеп соғады», — делінген министрлік хабарламасында.
Бұдан басқа, Өзбекстан президенті Шавкат Мирзиеев көп әйел алуды насихаттағаны үшін әкімшілік жауапкершілікті енгізуді көздейтін заңнамаға түзетулерге қол қойған еді.
